<< جنة الحب >>

تشرق الشمس من تجي
وتغيب كل أحزاني ... وياك أطير من الفرح وأعيش بعالم ثاني ...
من تجي عيوني بعيونك أغوص ببحر ماإله أول ولا تالي ...
شفايفك سلة ورد من عطرهم
ما أشبع أني ...
كلامك كله سحر
أو قصيدة عشق يغردها بلبل بكل شجن
بليل القمر بيه اكتمل
وبين إيدايا أحسك طفل
وأعطيك كل حناني ...
صحيح أنت بالنسبة لغيري بشر عادي ...
بس عندي أنت شي ثاني
أنت ورد ... أنت شمس ... أي وصلت أنت قمر ...
لا لا لا أنت شي ما ينوصف
أنت ملاك على الأرض نزل
أنت عمري وآمالي ...
مرات أشبه حبي إلك بزلزال أنفجر ...
بفيضان ... بإعصار .. إي وصلت ..
لا لا لا حبي إلك ما ينوصف
أنت أهلي وكل ناسي وأنت تاج رأسي ...
أحط حبك وسام ع الصدر ...
واردد أسمك بكل فخر ...
وأقسملك برب البشر مخلصه لحبك أني
راح أضل مادام القلب بيه نبض ومادام أني على الأرض ...

احبك لأنك مختلف

أحب كل ناس لكن أنت احبك بشكل مختلف..
كلنا أولاد تسعة على هذا ما نختلف
لكن أنت بالنسبة إلي مختلف
حتى من تزعل زعلك جذاب ومختلف.
جميل وساحر وستايلك مختلف.
دافئ وحنون وطبع الوفا بيك ماينوصف.
فنان أنت وبالغزل محترف.‎
‎اذا ظميتني تعيشني بعالم مختلف.
وإذا سميتني حبيبتك تغار الحروف مني وتختلف.
نسيت الكلمات وخانتني الحروف لما بالشعر ردت أوصفك.
شكيت الأوراق والقيثارة مسكت ولما طيفك أتخيلت لقيت أناملي تعزف لحن مختلف.
لما غبت عطرك هز بي الشوك لضمك ثم اتنهدت.
بجيت وبجيت لين حسيت عيوني تحترك
بجيت لين حسيت بيدك
بجيت وبجيت لين حسيت عيوني تحترك
بجيت لين حسيت بيدك على خدي بحنية تسمح دموعي فإتبسمت.
ضميتك لين ناري أنطفت.
غفيت على همساتك بأذني أحبكي وعلى صدرك أتوسدت.
فزيت ثم ضميتك بقوة وأتنهدت أحبك أحبك لأنك مختلف